'n Paar nuttige programme
Hier volg 'n paar skakels na gratis programme wat ek in die verlede
afgelaai
het vanaf die internet.
WINZIP
Een van daardie "moet-hê"-programme as jy hou daarvan om allerhande
sagteware
en nog wat af te laai van die internet. Winzip, so lyk dit my,
het ontstaan
uit die ou PKZIP wat destyds uit DOS gewerk het, maar nou met
'n baie nuttige
Windows-koppelvlak spog. Daarby het dit 'n uiters
nuttige
regterkliekfasiliteit waarmee jy baie vinnig vouers en lêers mee kan
verdig.
SCANNER
Een van die oulikste (en baie nuttige) gratis programme wat ek seker nog
raakgeloop het op
die
internet. Dit vertoon die vouers en lêers op jou hardeskyf op 'n
grafiese
wyse, met sirkelsektore wat in verhouding staan tot die grootte van
elke vouer.
Daar is fasiliteite beskikbaar om bv. lêers en vouers uit te wis
en as jy die
muis beweeg oor die sektore word die grootte outomaties
getoon. Definitief 'n moet as jy met groot lêers werk of 'n klein
hardeskyf het en gereeld onderhoud moet doen op jou hardeskyf.
WEBFERRET
Beslis 'n program waarsonder jy nie maklik kan klaarkom as jy gereeld soek
na
inligting op die internet nie. Webferret span verskeie soekmasjiene in
om in
'n japtrap webadresse vir jou te lewer. Die nuutste weergawe het ook
die
eienskap dat dit 'n ekstra kolom het met die waarskynlikheid van die
inligting
waarna jy soek, persentasiegewys.
VIRTUAL DUB
Virtual Dub is 'n uiters nuttige program om avi- en mpg-rolprente mee
te
redigeer. Dit beskik oor die mees basiese funksies soos knip en plak,
asook 'n
reeks filters om die beeld skoon te maak, die grootte van die
raampie te
verander en nog 'n klomp ander funksies. Dan kan jy ook 'n
reeks
"bitmap"-prentjies van die rolprent maak, of die klankbaan stroop as
'n
wav-lêer.
DLEXPERT
DL Expert is 'n ongelooflike vinnige aflaainutsprogram.
Die
verbruikerskoppelvlak is dalk effens lomper as bv. dié van Net Vampire,
maar ek
was verstom toe ek die program vir die eerste maal gebruik het. Die
beginsel
waarop dit werk is as volg: die lêer wat jy aflaai word in sg.
"threads"
opgebreek en hierdie stringe kom dan gelyktydig by jou modem aan.
Jy kan
soveel as 'n 100 stringe aanvra, en die program is intelligent genoeg
om van
een skakel na 'n volgende te kan spring indien nodig. Dit kan
natuurlik ook
grafika en webbladsye aflaai wat andersins bitter lank sou
neem om deur te kom.
Ek beveel hierdie program selfs bó Download Accelerator
aan.
COBIAN BACKUP
Dié van u wat nogal baie met u rekenaar werk sal weet hoe dit voel as daar
skielik 'n probleem opduik en 'n klomp noodsaaklike inligting eensklaps
verdwyn. Ek hou daarvan om byvoorbeeld my eposadresse, internetgunstelinge en
sulke goed gereeld te rugsteun, maar dit kan nogal 'n langdradige proses wees
om te gaan rondkrap in allerhande versteekte vouers op die hardeskyf. Na ek 'n
paar programme probeer het wat nie juis in my behoeftes voldoen het nie, was ek
verheug om te kon afkom op Cobian Backup. Hierdie program kan op 'n gereelde
tydbasis wat jy self kies, jou kritieke inligting outomaties (of ook op jou
bevel) rugsteun, en selfs verdig as jy so verkies. Dit kan afsonderlike lêers
asook hele vouers rugsteun en dan kan jy natuurlik kies wanneer hierdie proses
moet plaasvind.
MAXLISTER,
CATHY,
DISCLIB
en
DIRECTORY LISTER
Die eerste drie programme kan die lewe vir 'n mens aansienlik vergemaklik as jy
'n groot versameling CD's vol data of selfs gewone klank-CD's het en nie ure
wil vermors as jy op soek is na 'n lêer nie. Die fokus val natuurlik veral op
die verwyderbare media soos natuurlik CD's en sogenaamde "zip"-aandrywers maar
selfs ook hardeskywe. Soms wil ek soek na 'n lêer wat iewers gaan wegkruip het
op my hardeskywe (en hulle is mos geneig om dit te doen, nie waar nie ?) en dan
kan ek dit baie vinnig opspoor uit 'n beeld wat ek vooraf van die hardeskywe
gemaak het, selfs vinniger as uit Windows Explorer.
Directory Lister
val egter
nie heeltemal in dieselfde kategorie as die eerste drie nie aangesien dit nie
inligting opspoor nie, maar dit kan wel 'n baie netjiese, geformateerde uitdruk
(hetsy na 'n lêer of 'n drukker) lewer van enige vouer of 'n hele hardeskyf se
inhoud. Ideaal as jy by iemand wil spog oor al die liedjies wat jy in 'n
MP3-vouer het !
GMAX
en
ANIM8OR
Ek was nog altyd gaande oor programme waarmee 'n mens driedimensionele
voorwerpe mee kan skep en gevolglik was ek bly om te hoor dat die maatskappy
Discreet, wat die vervaardiger is van die toonaangewende 3D Studio Max, nou 'n
gratis weergawe het van hierdie program.
Gmax
kan ook as't ware "Max Lite"
genoem word aangesien sekere funksies van Max nie hier beskikbaar is nie, maar
dit bied vir die nuweling nog steeds 'n magdom van moontlikhede. Dit kom
eintlik tot sy reg vir diegene wat graag hulle eie karakters ens. wil skep vir
speletjies, ek gebruik dit tans om vliegtuie te maak vir die bekende Microsoft
Flight Simulator. Aangesien Gmax nie sy eie beeldingsmasjien (ek hoop dis 'n
goeie vertaling vir "rendering machine") het nie is dit 'n goeie idee om die
nodige sagteware
hier
af te laai.
Anim8or
steek ook glad nie sleg af teenoor Gmax nie en is ideaal vir diegene
wat hulle eerste treë wil waag in die 3D-arena. Aanvanklik het ek gedink dat
daar nie veel onder die skynbaar eenvoudige gebruikerskoppelvlak skuil nie,
maar was my verbasing groot toe ek dieper begin delf het en gevind het dat mens
baie komplekse en gedetailleerde voorwerpe met hierdie klein programmetjie kan
maak.
Wees gewaarsku, dis nogal 'n stryd om die basiese begrippe baas
te raak, maar gelukkig is daar al heelwat tutoriale beskikbaar op die internet.
TASKBAR ACTIVATE
Soos dit in die lewe gaan, is dit soms die klein dingetjies wat 'n groot
verskil kan maak. "Taskbar activate" onderstreep hierdie feit deeglik. Dit
stel jou in staat om jou volle skerm te kan gebruik maar nog steeds volle
toegang tot jou taakstaaf (as ek dit nou reg vertaal het) te hê. Taskbar
Activate laat jou taakstaaf onsigbaar aan die onderkant (of elders, as jy só
verkies) van jou skerm lê terwyl jy dan die volle grootte van jou monitor se
skerm kan gebruik vir jou programme. As jy dan egter iets wil kliek op jou
taakstaaf, is dit bloot 'n kwessie van linkskliek aan die onderkant, en dan wip
jou taakstaaf weer op. Wanneer jy met 'n program besig is en nie wil hê dat
die taakstaaf moet opwip as die muiswyser per ongeluk sou huiwer oor die
onderste rand van die skerm nie, kan jy 'n tydwaarde verstel in Taskbar
Activate wat verseker dat die taakstaaf slegs na 'n sekere tydsinterval, van 'n
breukdeel van 'n sekonde tot etlike sekondes, sal opwip.
DIALOGBOX ASSISTANT
As jy baie rondspring tussen die vouers op jou hardeskyf, of dit nou is om 'n
lêer te spaar in een vouer en die volgende oomblik 'n lêer oop te maak in 'n
ander een, dan is hierdie program net reg daarvoor. Die meer onlangse
weergawes van Windows het natuurlik iets soortgelyks, naamlik "My recent
documents", maar Dialogbox Assistant spring feitlik onmiddellik oop, anders as
Windows se fasiliteit, wat maar taamlik lank neem. Alhoewel die nuwer
weergawes van Dialogbox Assistant "shareware" is, sal die bostaande skakel jou
lei na die ou gratis weergawe, nommer 1.01.
______________________________________
Bostaande skakels was almal aktief op 11/01/2005.
Kontak my gerus
as u vind dat dit nie meer werk nie, of as u sukkel om die programme af te
laai.
Terug na die Wit Hand
