Ons het die tweede foto mooi bekyk en gewonder of die dogtertjie aan die regterkant se gesig nie dalk deur 'n gesigsherkenningstoepassing gekopiëer is na die linkerkant nie (ek het die gesigte verbloem ter wille van privaatheid). Op die oog af het dit nogal so gelyk maar daar is tog klein verskille. Links onder aan die nuwe gesig is bv. 'n donker kol wat nie sigbaar was in die eerste foto nie.
Ek sou graag wou hoor van mense wat spesialiseer in die ontleding van hierdie
tipe foto's. Dalk het daar tog iets onverklaarbaars hier gebeur.