Ek het lank laas 'n bietjie tyd afgestaan aan my webwerf en dit is dan ook met
groot blydskap wat ek hierdie foto vir julle kan bring. U het al reeds met die
persoon "Wikkie" kennis gemaak met wie ek 'n klompie jare gelede mee gesels het
en dit was by hom by wie ek hierdie foto gekry het. Hy het dit op sy beurt by
'n ander persoon gekry en hierdie man het dit met 'n digitale kamera geneem.
Ek het nie baie inligting rondom die foto nie buiten vir die feit dat dit vroeg
vanjaar (2009) geneem is by 'n gewilde kuierplek in my omgewing. Wikkie kon
twee entiteite optel in die foto, naamlik een wat net links van die middel van
die foto op die rand van die swembad staan en 'n tweede een, minder sigbaar
maar blykbaar reg agter die meisies in die swembad. Die foto wat ek ontvang
het is 'n rekenaaruitdruk wat ek geskandeer het, vandaar die vertikale strepe
in die foto. Die waasagtigheid rondom die spreilig kan mens natuurlik verstaan
en dalk nog in 'n mate die waasagtige strepe net regs van die blare, maar die
lyne wat vorm gee tot die eerste entiteit kan net nie mooi weggeredeneer word
nie.
